टप् टप् टप् काय बाहेर
टप् टप् टप् काय बाहेर वाजतंय् ते पाहू
चल् ग आई, चल् ग आई, पावसांत जाऊ !
भिरभिरभिर अंगणांत बघ वारे नाचतात !
गरगर गरगर त्यासंगे चल गिरक्या घेऊ !
आकाशी गडगडते, म्हातारी का दळते?
गडड्गुडुम गडड्गुडुम ऐकत गे राहू !
ह्या गारा सटासटा आल्या चटाचटा
पट् पट् पट् वेचुनिया ओंजळीत घेऊ !
फेर गुंगुनी धरू, भोवर्यापरी फिरू
"ये पावसा, घे पैसा", गीत गोड गाऊ !
पहा फुले, लता-तरू, चिमणि, गाय-वासरू
चिंब भिजती, मीच तरी का घरात राहू?
चल् ग आई, चल् ग आई, पावसांत जाऊ !
भिरभिरभिर अंगणांत बघ वारे नाचतात !
गरगर गरगर त्यासंगे चल गिरक्या घेऊ !
आकाशी गडगडते, म्हातारी का दळते?
गडड्गुडुम गडड्गुडुम ऐकत गे राहू !
ह्या गारा सटासटा आल्या चटाचटा
पट् पट् पट् वेचुनिया ओंजळीत घेऊ !
फेर गुंगुनी धरू, भोवर्यापरी फिरू
"ये पावसा, घे पैसा", गीत गोड गाऊ !
पहा फुले, लता-तरू, चिमणि, गाय-वासरू
चिंब भिजती, मीच तरी का घरात राहू?
| गीत | - | श्रीनिवास खारकर |
| संगीत | - | श्रीनिवास खळे |
| स्वर | - | आशा भोसले |
| गीत प्रकार | - | बालगीत, ऋतू बरवा |
| तरुवर | - | तरू / झाड. |
| लता (लतिका) | - | वेली. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !