वाकल्या दिशा फुलून
वाकल्या दिशा फुलून स्निग्ध रंग सावळा,
या फुलांत या सुरांत चंद्र घालतो गळा
पावलें अशीं सलील नादती कुठून नाद?
मी क्षितिज वाहतों तरी जुळे न शब्द, गीत.
दु:ख एक पांगळें जशी तरूंत सावली
या उरांत पेटलीस, कां उन्हास काहिली?
असे कसें सुनें सुनें मला उदास वाटतें
जशी उडून पांखरें नभांत चाललीं कुठें?
या फुलांत या सुरांत चंद्र घालतो गळा
पावलें अशीं सलील नादती कुठून नाद?
मी क्षितिज वाहतों तरी जुळे न शब्द, गीत.
दु:ख एक पांगळें जशी तरूंत सावली
या उरांत पेटलीस, कां उन्हास काहिली?
असे कसें सुनें सुनें मला उदास वाटतें
जशी उडून पांखरें नभांत चाललीं कुठें?
| गीत | - | ग्रेस |
| संगीत | - | श्रीनिवास खळे |
| स्वर | - | अरुण दाते |
| गीत प्रकार | - | भावगीत |
| काहिली | - | उकाडा / आग / तळमळ. |
| सलील | - | खेळकर. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !