A Non-Profit Non-Commercial Public Service Initiative by Alka Vibhas   
आभाळ फाटलेले टाका कुठे

आभाळ फाटलेले टाका कुठे भरू मी?
आता कसे करु मी?

स्वप्‍नी चितारलेल्या झाल्या विराण जागा
वाहून पार गेल्या वाळूवरील रेघा
पाण्यात त्या मिळाल्या, त्यांना कशी धरू मी?

जो मित्र पाठिराखा तो होय पाठमोरा
सार्‍या मनोरथांचा तो ढासळी मनोरा
आयुष्य कोसळे हे त्या काय सावरू मी?

प्रीतीविना जिवाची पंखाविना भरारी
आधार ना निवारा आता दिशांत चारी
ना अर्थ या जिण्याला, का व्यर्थ वावरू मी?
गीत- ग. दि. माडगूळकर
संगीत - वसंत पवार
स्वर - आशा भोसले
चित्रपट- वैजयंता
गीत प्रकार - चित्रगीत

 

This 👇 player works on all android and iOS devices also
  आशा भोसले