आभाळीचा चांद माझ्या आज अंगणात
पंढरीचा राया दळी जनीच्या घरात

किती करी काम देवा घेई रे विसावा, देवा
हेच ऐक एवढे रे मान किती घ्यावा
घन:श्याम विठ्ठला रे पंढरीच्या नाथा, देवा
धावुनिया भक्तांपाठी वृथा शीण वाया
जरा थांबु दे रे देवा कोमल हे हात तुझे
पंढरीचा राया दळी जनीच्या घरात

किती माझ्यासंगे गाउनिया गाणी, देवा
भागलासी आता तू रे चक्रपाणी
कटी पीतांबर शोभे गळा वैजयंतीमाळा
असा हरि गरिबाच्या झोपडीत झोपी गेला
सावळीच गोजिरी ही मूर्ति सदा नयनांत
पंढरीचा राया दळी जनीच्या घरात