A Non-Profit Non-Commercial Public Service Initiative by Alka Vibhas   
आज कळीला एक फूल भेटले

आज कळीला एक फूल भेटले
हृदय चोरिले कुणी हृदय चोरिले

असा कसा लपुनछपून चोर घरी आला
अजाणतेपणी कसे न्याहाळिले त्याला
काही कळेना मला काय वाटले

बावरली आतुरली मोहरली प्रीती
पंख फुटे लहर उठे गीत जुळे ओठी
प्रणयसुखाचे मनी भाव साठले

घडोघडी मनोमनी भास नवे नवे
जवळ दिसे दूर असे तेच मला हवे
एक हरवले आज एक शोधिले
गीत - जगदीश खेबूडकर
संगीत - प्रभाकर जोग
स्वर- आशा भोसले
चित्रपट - कुंकवाचा करंडा
गीत प्रकार - चित्रगीत

 

Print option will come back soon