आता कसली चोरी ग
त्याची माझी प्रीत अलौकिक, दिशा जाणती चारी ग
आता कसली चोरी ग !
तो नगरीचा झाला राजा
मी म्हणते पण केवळ माझा
त्याच्या भवती धरिती फेरा, स्वप्ने माझी सारी ग
आता कसली चोरी ग !
फुलात दिसती त्याचे डोळे
सुगंधात सहवास दरवळे
स्मरणे त्याच्या घेई लालिमा, कांती माझी गोरी ग
आता कसली चोरी ग !
वावरता मी त्याच्या मागे
पदापदावर सुदैव जागे
सप्तपदीला विलंब का मग तोरण विलसो दारी ग
आता कसली चोरी ग !
आता कसली चोरी ग !
तो नगरीचा झाला राजा
मी म्हणते पण केवळ माझा
त्याच्या भवती धरिती फेरा, स्वप्ने माझी सारी ग
आता कसली चोरी ग !
फुलात दिसती त्याचे डोळे
सुगंधात सहवास दरवळे
स्मरणे त्याच्या घेई लालिमा, कांती माझी गोरी ग
आता कसली चोरी ग !
वावरता मी त्याच्या मागे
पदापदावर सुदैव जागे
सप्तपदीला विलंब का मग तोरण विलसो दारी ग
आता कसली चोरी ग !
| गीत | - | ग. दि. माडगूळकर |
| संगीत | - | सुधीर फडके |
| स्वर | - | आशा भोसले |
| चित्रपट | - | देवमाणूस |
| गीत प्रकार | - | चित्रगीत |
दाद द्या अन् शुद्ध व्हा !