A Non-Profit Non-Commercial Public Service Initiative by Alka Vibhas   
भारती सृष्टीचे सौंदर्य खेळे

भारती सृष्टीचे सौंदर्य खेळे
दावित सतत रूप आगळे

वसंत वनात जनात हासे
सृष्टीदेवी जणु नाचे उल्हासे
गातात संगीत पृथ्वीचे भाट
चैत्रवैशाखाचा ऐसा हा थाट

ज्येष्ठ-आषाढांत मेघांची दाटी
कडाडे चपला होतसे वृष्टी
घालाया सृष्टीला मंगल स्‍नान
पूर अमृताचा सांडे वरून
गगनी नर्तन कृष्ण मेघांचे
भूतली मयूर उत्तान नाचे

श्रावणी पाऊस हास्याचा पडे
श्रीकृष्णजन्माची दंगल उडे
बांधिती वृक्षांना रम्य हिंदोळे
कामिनी धरणी वैभवी लोळे
गीत- शांताराम आठवले
संगीत - केशवराव भोळे
स्वर - वासंती
चित्रपट- कुंकू
राग- देस
गीत प्रकार - चित्रगीत
आगळा - अग्रेसर / श्रेष्ठ / जास्त / अधिक / वैशिष्ट्यपूर्ण.
चपला - वीज.
भाट - स्तुतिपाठक.
हिंदोल (हिंडोल) - झुला, झोका.