A Non-Profit Non-Commercial Public Service Initiative by Alka Vibhas   
देखावे बघण्याचे वय

रिमझिमतो रातंदिन
स्मरणांचा अमृतघन
पावसात भिजण्याचे वय निघून गेले

देखावे बघण्याचे वय निघून गेले
रंगांवर भुलण्याचे वय निघून गेले

रोज नवे एक नाव
रोज नवे एक गाव
नावगाव पुसण्याचे वय निघून गेले

आला जर जवळ अंत
का हा आला वसंत
हाय्‌, फुले टिपण्याचे वय निघून गेले
गीत- सुरेश भट
संगीत - माधव भागवत
स्वर - माधव भागवत
गीत प्रकार - भावगीत