ध्यान करु जाता मन | Dhyan Karu Jata Man | आठवणीतली गाणी | Aathavanitli Gani

ध्यान करु जाता मन

ध्यान करूं जातां मन हारपलें ।
सगुण तें झालें गुणातीत ॥१॥

जेथें पाहे तेथें राघवाचें ठाण ।
करीं चापबाण शोभतसे ॥२॥

राम माझे मनीं राम माझे ध्यानीं
शोभे सिंहासनीं राम माझा ॥३॥

रामदास ह्मणे विश्रांति मागणें
जीवींचें सांगणें हितगूज ॥४॥

गीत	-	समर्थ रामदास
संगीत	-	पं. जितेंद्र अभिषेकी
स्वर	-
गीत प्रकार	-	संतवाणी, राम निरंजन, मना तुझे मनोगत
		टीप - • या गीताचे मूळ ध्वनीमूद्रण आमच्याकडे नाही. आपल्याकडे असल्यास, कृपया aathavanitli.gani@gmail.com या इ-पत्त्यावर पाठवा. ते रसिकांना ऐकण्यासाठी इथे उपलब्ध करून दिले जाईल.

चाप	-	धनुष्य.
हितगूज	-	हिताची गुप्‍त गोष्ट.