दिवस आजचा असाच गेला
दिवस आजचा असाच गेला उद्या तरी याल का?
राया अशी, जवळ मला घ्याल का?
पैठणी जांभळी जरीबुंद नेसुनी
मी वाट पाहते केव्हाची बैसुनी
ही घडी मागुनी घडी जातसे सुनी
जागरणाने जळती डोळे; काजळ घालाल का?
किती किती योजिले होते बोलायचे
मज गूज मनीचे होते खोलायचे
संगतीत तुमच्या होते उमलायचे
कळ्या आजच्या शिळ्या उद्याला ओठाशी न्याल का?
या सरत्या राती तळमळते मी अशी
लोळते पलंगी पुन्हा बदलते कुशी
मज रुते बिछाना, नको नको ही उशी
हवा वाटतो हात उशाला, सजणा तुम्ही द्याल का?
आल्यावरी, जवळ मला घ्याल का?
राया अशी, जवळ मला घ्याल का?
पैठणी जांभळी जरीबुंद नेसुनी
मी वाट पाहते केव्हाची बैसुनी
ही घडी मागुनी घडी जातसे सुनी
जागरणाने जळती डोळे; काजळ घालाल का?
किती किती योजिले होते बोलायचे
मज गूज मनीचे होते खोलायचे
संगतीत तुमच्या होते उमलायचे
कळ्या आजच्या शिळ्या उद्याला ओठाशी न्याल का?
या सरत्या राती तळमळते मी अशी
लोळते पलंगी पुन्हा बदलते कुशी
मज रुते बिछाना, नको नको ही उशी
हवा वाटतो हात उशाला, सजणा तुम्ही द्याल का?
आल्यावरी, जवळ मला घ्याल का?
गीत | - | शान्ता शेळके |
संगीत | - | पं. जितेंद्र अभिषेकी |
स्वर | - | क्षमा बाजीकर |
नाटक | - | हे बंध रेशमाचे |
गीत प्रकार | - | लावणी, नाट्यसंगीत |
गुज | - | गुप्त गोष्ट, कानगोष्ट. |