A Non-Profit Non-Commercial Public Service Initiative by Alka Vibhas   
गणराज रंगि नाचतो

गणराज रंगि नाचतो नाचतो
पायि घागर्‍या करिती रुणझुण
नाद स्वर्गि पोचतो !

कटि पीताम्बर कसुन भर्जरी
बाल गजानन नर्तनास करी
तुंदिल तनु तरि चपल साजिरी
लावण्ये साजतो !

नारद तुंबरु करिती गायन
करी शारदा वीणावादन
ब्रह्मा धरितो तालहि रंगुन
मृदंग धिमि वाजतो !

देवसभा घनदाट बैसली
नृत्यगायने मने हर्षली
गौरीसंगे स्वये सदाशिव
शिशुकौतुक पाहतो !
कटि - कंबर.
घागरी - पैंजण.
तुंदिल - लठ्ठ.
तुंबरु - गंधर्व.
स्वये - स्वत:

Please consider the environment before printing.
कागद वाचवा.
कृपया पर्यावरणाचा विचार करा.