A Non-Profit Non-Commercial Public Service Initiative by Alka Vibhas   
गंध फुलांचा गेला

गंध फुलांचा गेला सांगून
तुझे नि माझे व्हावे मीलन, व्हावे मीलन

सहज एकदा जाताजाता मिळुनि हसल्या अपुल्या नजरा
दो हृदयांच्या रेशीमगाठी प्रीत भावना गेली बांधून

विरह संपता, मीलनाची अमृतगोडी चाखीत असता
सखया अवचित जवळी येता ढळे पापणी गेले लाजून

मनामनांच्या हर्षकळ्यांची आज गुलाबी फुले जाहली
वरमाला ही त्याच फुलांची गुंफून सखया तुलाच वाहीन

 

  आशा भोसले, सुरेश वाडकर