A Non-Profit Non-Commercial Public Service Initiative by Alka Vibhas   
हे दीपा तू जळत रहा

हे दीपा तू जळत रहा

असाच जागत या विजनावर
जीवनसुम तिमिरास वहा

नक्षत्रांशी होते नाते
परि न आता सांगायाचे
भग्‍न चिर्‍यावर वादळात या
तुला मला रे जळावयाचे
विसर मंदिरे विसर गोपुरे
श्रेय इथे मातीत पहा
गीत - कुसुमाग्रज
संगीत - पं. जितेंद्र अभिषेकी
स्वर-
नाटक - ययाति आणि देवयानी
गीत प्रकार - नाट्यसंगीत
  
टीप -
• या गीताचे मूळ ध्वनीमूद्रण आमच्याकडे नाही. आपल्याकडे असल्यास, कृपया alka@aathavanitli-gani.com या इ-पत्त्यावर पाठवा. ते रसिकांना ऐकण्यासाठी इथे उपलब्ध करून दिले जाईल.
गोपुर - देवळाचे मुख्य दार.
विजन - ओसाड, निर्जन.
श्रेय - पुण्य / कल्याण.
सुम - फूल.