A Non-Profit Non-Commercial Public Service Initiative by Alka Vibhas   
हिरव्या कुरणी घडली कहाणी

हिरव्या कुरणी घडली कहाणी बाई नवलाची
नाजुक हरिणी गेली करून शिकार वाघाची

वादळवारा असाच आला
अशीच बिजली लवलवली
हरिणीच्या त्या मोहक नयनी
धुंद कस्तुरी घमघमली
शिकारी नजर वाघाची बघुन भुललेली
खेचली धनुकली हसून तिने नयनाची

उरी तयाच्या बाण लागता
तिची जवानी थयथयली
व्याकुळतेने शपथ घालता
चंचल हरिणी हळहळली
माघारी नयन सुंदरी परत वळलेली
हळुहळु जखम ती आली मिळून हृदयाची
गीत - पी. सावळाराम
संगीत - वसंत प्रभु
स्वर- लता मंगेशकर
चित्रपट - वादळ
गीत प्रकार - चित्रगीत
कस्तुरी - एक अतिशय सुगंधी द्रव्य.

Please consider the environment before printing.
कागद वाचवा.
कृपया पर्यावरणाचा विचार करा.