जाळीमंदी झोंबतोया गारवा
राधे, यमुनेच्या काठावर दोरवा
ग बाई बाई, जाळीमंदी झोंबतोया गारवा
बाळपणीची रिमझिम गाणी, अंगावरती शिडकावा
झिम्मा-फुगडी खेळ खेळता राधेला ग चंद्र हवा
शब्द ना बोलता बासरीचा गळा
तुझा अंबाडा बांधे कृष्ण सावळा
गोर्या अंगावरी मेंदी भरतो हरी
मोरपिसाचा रंग झाला झावळा
अंगावर भर्जरी, वस्त्र नाही उरी
पोरी, पांगल्या पानाआड कावळा
ग बाई बाई, जाळीमंदी झोंबतोया गारवा
बाळपणीची रिमझिम गाणी, अंगावरती शिडकावा
झिम्मा-फुगडी खेळ खेळता राधेला ग चंद्र हवा
शब्द ना बोलता बासरीचा गळा
तुझा अंबाडा बांधे कृष्ण सावळा
गोर्या अंगावरी मेंदी भरतो हरी
मोरपिसाचा रंग झाला झावळा
अंगावर भर्जरी, वस्त्र नाही उरी
पोरी, पांगल्या पानाआड कावळा
| गीत | - | ना. धों. महानोर |
| संगीत | - | आनंद मोडक |
| स्वर | - | देवकी पंडित, रवींद्र साठे |
| चित्रपट | - | एक होता विदूषक |
| गीत प्रकार | - | चित्रगीत, लावणी, हे श्यामसुंदर |
| झावळी | - | सावळी / अंधार. |
| झिम्मा | - | लहान मुलींचा एक खेळ. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !