जिथे सागरा धरणी मिळते
जिथे सागरा धरणी मिळते
तिथे तुझी मी वाट पाहते
डोंगरदरीचे सोडून घर ते
पल्लव-पाचूचे तोडून नाते
हर्षाचा जल्लोष करुनी जेथे
प्रीत नदीची एकरूपते
वेचित वाळूत शंखशिंपले
रम्य बाल्य ते जिथे खेळले
खेळाचा उल्हास रंगात येउनी
धुंदीत यौवन जिथे डोलते
बघुनी नभीची चंद्रकोर ती
सागर हृदयी ऊर्मी उठती
सुखदुःखाची जेथे सारखी
प्रीतजीवना ओढ लागते
तिथे तुझी मी वाट पाहते
डोंगरदरीचे सोडून घर ते
पल्लव-पाचूचे तोडून नाते
हर्षाचा जल्लोष करुनी जेथे
प्रीत नदीची एकरूपते
वेचित वाळूत शंखशिंपले
रम्य बाल्य ते जिथे खेळले
खेळाचा उल्हास रंगात येउनी
धुंदीत यौवन जिथे डोलते
बघुनी नभीची चंद्रकोर ती
सागर हृदयी ऊर्मी उठती
सुखदुःखाची जेथे सारखी
प्रीतजीवना ओढ लागते
गीत | - | पी. सावळाराम |
संगीत | - | वसंत प्रभु |
स्वर | - | सुमन कल्याणपूर |
चित्रपट | - | पुत्र व्हावा ऐसा |
राग | - | यमन |
गीत प्रकार | - | चित्रगीत, शब्दशारदेचे चांदणे |