A Non-Profit Non-Commercial Public Service Initiative by Alka Vibhas   
जो जो गाई कर अंगाई

जो जो गाई ! कर अंगाई !
जोजविते तुजला आई

प्रेमभुकेल्या बाळासाठी
भाव दयेचा जागे पोटी
घास मुखीचा घाली ओठी
चोचीतला इवला कण देई
जो जो गाई ! कर अंगाई !

चिउकाऊच्या सांगे गोष्टी
फूलपर्‍यांची जागे सृष्टी
स्‍नेहसुधेची होता वृष्टी
मोहरते फुलते नवलाई
जो जो गाई ! कर अंगाई !

बालमनाची ओली माती
पुण्यात्मा हा घेई हाती
मूर्त नवी ये आकारा ती
ज्योत जळे, उजळे जळताही
जो जो गाई ! कर अंगाई !
सुधा - अमृत / सरळ, योग्य मार्गाने जाणारा.