A Non-Profit Non-Commercial Public Service Initiative by Alka Vibhas   
कधी शिवराय यायचे तरी

कधी शिवराय यायचे तरी
दिवाळी दसरा मिळुनी सोहळा आता व्हायचा घरी

सडा केशरी शिंपिन दारी
रांगोळी घालीन किनारी
गरिबाचे घर जाइल उजळुन राजमंदिरापरी

छत्रपतीच्या सरदाराशी
मराठमोळ्या दिलदाराशी
ठरले माझे लगीन, पडतिल तांदूळ डोईवरी

मिळता आशीर्वाद तयांचा
साक्षात्कारच चैतन्याचा
मीच नव्हे उठतात शीरा या अमृत प्याल्यापरी