कल्पनेचा कुंचला स्वप्नरंगी
कल्पनेचा कुंचला, स्वप्नरंगी रंगला
चित्र मी काढू कसे? सजणा सांग ना !
हे निळेपण पांघरावे
गीत माझे मोहरावे
शब्द मी माळू कसे?
सजणा सांग ना, सांग ना !
खेळतो हा धुंद वारा
या धुक्याच्या शुभ्र धारा
रंग मी खेळू कसे?
सजणा सांग ना, सांग ना !
आज संध्या रूप घेई, प्रीतीचे
प्रीतीचे मज दान देई
गुज मी बोलू कसे?
सजणा सांग ना, सांग ना !
चित्र मी काढू कसे? सजणा सांग ना !
हे निळेपण पांघरावे
गीत माझे मोहरावे
शब्द मी माळू कसे?
सजणा सांग ना, सांग ना !
खेळतो हा धुंद वारा
या धुक्याच्या शुभ्र धारा
रंग मी खेळू कसे?
सजणा सांग ना, सांग ना !
आज संध्या रूप घेई, प्रीतीचे
प्रीतीचे मज दान देई
गुज मी बोलू कसे?
सजणा सांग ना, सांग ना !
| गीत | - | जगदीश खेबूडकर |
| संगीत | - | सुधीर फडके |
| स्वर | - | उषा मंगेशकर |
| चित्रपट | - | जोतिबाचा नवस |
| गीत प्रकार | - | चित्रगीत, कल्पनेचा कुंचला |
| कुंचला | - | रंग देण्याचा ब्रश. |
| गुज | - | गुप्त गोष्ट, कानगोष्ट. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !