A Non-Profit Non-Commercial Public Service Initiative by Alka Vibhas   
कुणाला सांगू माझी व्यथा

कुणाला सांगू माझी व्यथा?
प्राजक्ताच्या प्रासादावर पडली विद्युल्लता !

प्रलयाचे हे भीषण तांडव, डळमळला गगनाचा मांडव
थरथरत्या पृथ्वीवर नाचे तिमिरदैत्य एकटा !

कशास घडल्या अपुल्या भेटी, कशास जडली वेडी प्रीती
मीलन अपुले ठरली आता स्वप्‍नामधली कथा !

कोण निवारील घोर अनर्था, तूच प्राण तू जीवन पार्था
ये विझवाया हा दावानल शिंपाया अमृता !
गीत- शांताराम आठवले
संगीत - वसंत पवार
स्वर - आशा भोसले
चित्रपट- सुभद्राहरण
गीत प्रकार - चित्रगीत
दावानल - वणवा.