माझिया दारात चिमण्या
माझिया दारात चिमण्या आल्या
अबोल काहीसे बोलून गेल्या
कळले सारे नि कळले नाही
अबोध मनाची हासली जुई
दाटून दिशांत उतला गंध
झडली जाणीव गळले बंध
प्राणांस फुटले अद्भूत पंख
तंद्रीत भिनला आकाश डंख
माझिया दारात चिमण्या आल्या
आगळे वेगळे सांगून गेल्या
अबोल काहीसे बोलून गेल्या
कळले सारे नि कळले नाही
अबोध मनाची हासली जुई
दाटून दिशांत उतला गंध
झडली जाणीव गळले बंध
प्राणांस फुटले अद्भूत पंख
तंद्रीत भिनला आकाश डंख
माझिया दारात चिमण्या आल्या
आगळे वेगळे सांगून गेल्या
| गीत | - | शंकर रामाणी |
| संगीत | - | पद्मजा फेणाणी-जोगळेकर |
| स्वर | - | पद्मजा फेणाणी-जोगळेकर |
| गीत प्रकार | - | भावगीत |
| आगळा | - | अग्रेसर / श्रेष्ठ / जास्त / अधिक / वैशिष्ट्यपूर्ण. |
दाद द्या अन् शुद्ध व्हा !