माझ्या गालाला पडते खळी
माझ्या गालाला पडते खळी
सख्या मी दूधखुळी भोळी
दो नयनांचे दोन आरसे
मूर्ती सखया तुझीच हासे
मनोमंदिरी माझ्या लपली
हृदय-दिलरुबा तुझाच बरवा
छेडित बसला जरी पारवा
झंकाराची जादू आगळी
होइल अपुले प्रेम निरंतर
तुटता दोघांमधले अंतर
भाग्यवती मी जगावेगळी
सख्या मी दूधखुळी भोळी
दो नयनांचे दोन आरसे
मूर्ती सखया तुझीच हासे
मनोमंदिरी माझ्या लपली
हृदय-दिलरुबा तुझाच बरवा
छेडित बसला जरी पारवा
झंकाराची जादू आगळी
होइल अपुले प्रेम निरंतर
तुटता दोघांमधले अंतर
भाग्यवती मी जगावेगळी
| गीत | - | मधुकर रानडे |
| संगीत | - | श्रीनिवास खळे |
| स्वर | - | मोहनतारा अजिंक्य |
| गीत प्रकार | - | भावगीत |
| आगळा | - | अग्रेसर / श्रेष्ठ / जास्त / अधिक / वैशिष्ट्यपूर्ण. |
| पारवा | - | कबुतराची एक जात किंवा त्याच्या रंगाचा. |
| बरवा | - | सुंदर / छान. |
दाद द्या अन् शुद्ध व्हा !
मोहनतारा अजिंक्य