A Non-Profit Non-Commercial Public Service Initiative by Alka Vibhas   
मनीं अचानक हलले काही

मनीं अचानक हलले काही
वार्‍यावर दरवळले काही..

भरती येता उधाणलेली
लाट आतुनी शहारलेली
सावरताना ढळले काही

गंध दिवाणा स्पर्श पाहुणा
हवा कशाला नवा बहाणा
नजरेमधूनी कळले काही

तू असण्याचा धुंद केवडा
तू नसताना दिवस बापुडा
शब्दांमधूनी ओघळले काही

हात हाती हा विश्वासाचा
अर्थ सांगतो सहवासाचा
सखेसोबती आकळले काही
आकळणे - आकलन होणे, समजणे.

 

  कीर्ती किल्लेदार, मंगेश धाकडे