A Non-Profit Non-Commercial Public Service Initiative by Alka Vibhas   
मी हरणुलि होईन

मी हरणुलि होईन !
चौखुर धावेन, मुरडत मिरवीन
तू परि येता, वनि लपुनी तुज न गवसेन !

मी चांदणी होईन !
चमचम चमकेन, नटुनी नाचेन
तू परि येता, नभी लपुनी तुज न गवसेन !

मी मासुळी होईन !
जळात खेळेन, शिंपली शोधेन
तू परि येता, मोती बनुनी तुज न गवसेन !
गीत - वि. स. खांडेकर
संगीत - पं. हृदयनाथ मंगेशकर
स्वर- लता मंगेशकर
चित्रपट - अंतरीचा दिवा
गीत प्रकार - चित्रगीत
  
टीप -
एका पारंपारिक गीताच्या आधारे हे गीत वि. स खांडेकर यांनी लिहिले आहे.