मी नयन स्वप्नवेडा
मी नयन स्वप्नवेडा, तू धार आसवांची
तुज ओढ तापण्याची, हृदयास जाळण्याची !
मी भावगंधरेखा तुजला किती कथाव्या
ना बोलता कहाण्या तुजशी किती वदाव्या
नजरेत अक्षरांच्या पुष्पांजली वहाव्या
माधुर्य मागतो मी, तुज आस संपण्याची !
शब्दांतुनी तुझ्या गे नाकार सर्व गाजे
जगणेही भासते हे आता अयोग्य ओझे
वैराण भावनांचे आकाश आज माझे
पाऊलवाट तव ती शिशिरातल्या जिण्याची !
तव कोवळ्या मनाला का अर्थ ना कळावा?
अजुनी तुला कसा ना स्वर आर्त आकळावा
मी छेडता तराणा का सूरही ढळावा?
वीणेस ओढ लागे का आज भैरवीची?
तुज ओढ तापण्याची, हृदयास जाळण्याची !
मी भावगंधरेखा तुजला किती कथाव्या
ना बोलता कहाण्या तुजशी किती वदाव्या
नजरेत अक्षरांच्या पुष्पांजली वहाव्या
माधुर्य मागतो मी, तुज आस संपण्याची !
शब्दांतुनी तुझ्या गे नाकार सर्व गाजे
जगणेही भासते हे आता अयोग्य ओझे
वैराण भावनांचे आकाश आज माझे
पाऊलवाट तव ती शिशिरातल्या जिण्याची !
तव कोवळ्या मनाला का अर्थ ना कळावा?
अजुनी तुला कसा ना स्वर आर्त आकळावा
मी छेडता तराणा का सूरही ढळावा?
वीणेस ओढ लागे का आज भैरवीची?
| गीत | - | शांताराम नांदगांवकर |
| संगीत | - | दशरथ पुजारी |
| स्वर | - | दशरथ पुजारी |
| गीत प्रकार | - | भावगीत, कल्पनेचा कुंचला, नयनांच्या कोंदणी |
| आकळणे | - | आकलन होणे, समजणे. |
दाद द्या अन् शुद्ध व्हा !