A Non-Profit Non-Commercial Public Service Initiative by Alka Vibhas   
मिटुन डोळे घेतले मी

मिटुन डोळे घेतले मी तरीही त्यांना पाहते
कोण मी अन्‌ कोण ते !

गाइल्यावाचून त्यांनी गीत त्यांचे ऐकते
भेटल्यावाचून त्यांना गुज माझे सांगते

नाव नाही पुशियले मी, मीच काही योजिते
तेच ओठी घोळताना मी स्वत:शी लाजते

भावनांचा भास का हा? कल्पनांची कूजिते?
वचन नाही घेतले मी वाट तरीही पाहते

बोलले काहीच ना ते, मी न काही जाणते
जोडते जीवांस दोन्ही मुग्ध नाते कोणते?
कूजन - आवाज.
गुज - गुप्‍त गोष्ट, कानगोष्ट.
मुग्ध - अस्पष्ट / अबोल.

 

This 👇 player works on all android and iOS devices also
  आशा भोसले