A Non-Profit Non-Commercial Public Service Initiative by Alka Vibhas   
नाव तुझे ते येता श्रवणी

नाव तुझे ते येता श्रवणी
एकान्‍ती मी जाते लाजुनी

पापणीचे ते पंख पसरुनी
नयनांमधले बुलबुल दोन्ही
एक सुराने गाती मिळुनी

फुलतो गाली गोड लालिमा
एका वेळी पूर्व-पश्चिमा
हसते शोभा खळीत लपुनी

तोच पारवा येतो कुठुनी
गढीत उरीच्या घुमतो फिरुनी
निळ्या गढीचे हलते पाणी
गीत- पी. सावळाराम
संगीत - वसंत प्रभू
स्वर - लता मंगेशकर
चित्रपट- तारका
गीत प्रकार - चित्रगीत
पारवा - कबुतराची एक जात किंवा त्याच्या रंगाचा.

 

This 👇 player works on all android and iOS devices also
  लता मंगेशकर