A Non-Profit Non-Commercial Public Service Initiative by Alka Vibhas   
नाजुक ऐशा या जखमेला

नाजुक ऐशा या जखमेला
दवा नको पण दुवा हवा !

निर्लेप अशा हृदयावरती
मृदुल करांचा लेप हवा
या जखमेला तुझ्या प्रीतिचा
असा मुलायम मलम हवा !

नको कुणि वेदना विशारद
नको कुणि तांत्रिक नवा
नकोच धन्वंतरी कुणि परि
प्रणयाचा मांत्रिक हवा !

Please consider the environment before printing.
कागद वाचवा.
कृपया पर्यावरणाचा विचार करा.