नकळत होते तुझी आठवण
नकळत होते तुझी आठवण !
कळ्याफुलांना हळुच हसविते
प्रेमळ-निर्मळ उषा उगवते
दिवसाचे ते बघुन बालपण
नकळत होते तुझी आठवण !
हास्याचा कल्लोळ भोवती
भोजन करिता भरल्या ताटी
घास अडकता उचकी लागुन
नकळत होते तुझी आठवण !
सरे प्रीतिचे स्वप्न कोवळे
दोन सानुले विहग पांगले
चित्रपटांतिल प्रसंग पाहुन
नकळत होते तुझी आठवण !
कळ्याफुलांना हळुच हसविते
प्रेमळ-निर्मळ उषा उगवते
दिवसाचे ते बघुन बालपण
नकळत होते तुझी आठवण !
हास्याचा कल्लोळ भोवती
भोजन करिता भरल्या ताटी
घास अडकता उचकी लागुन
नकळत होते तुझी आठवण !
सरे प्रीतिचे स्वप्न कोवळे
दोन सानुले विहग पांगले
चित्रपटांतिल प्रसंग पाहुन
नकळत होते तुझी आठवण !
| गीत | - | शांताराम आठवले |
| संगीत | - | वसंत पवार |
| स्वर | - | सुधीर फडके |
| चित्रपट | - | बेबी |
| गीत प्रकार | - | चित्रगीत |
| उषा | - | पहाट. |
| विहंग | - | विहग, पक्षी. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !