A Non-Profit Non-Commercial Public Service Initiative by Alka Vibhas   
नको मारूस हाक

नको मारूस हाक
मला घरच्यांचा धाक
भर बाजारी करिशी खुणा
करू नको पुन्हा हा गुन्हा

द्वाड सासरचा गाव
माझं जाईल नाव
तू माहेरचा मैतर जुना

का रे भरतोस शीळ
पडे काळजास पीळ
गुज कळेल सार्‍या जना

नको धरूस राग
जरा समजून वाग
तुझ्या डोळ्यात अवखळपणा

लाख लोकांचा हाट
नको अडवूस वाट
धर आवरून आपल्या मना
गीत- ग. दि. माडगूळकर
संगीत - दत्ता डावजेकर
स्वर - आशा भोसले
चित्रपट- पाठलाग
गीत प्रकार - चित्रगीत लावणी
गुज - गुप्‍त गोष्ट, कानगोष्ट.
हाट - बाजार.