A Non-Profit Non-Commercial Public Service Initiative by Alka Vibhas   
पिंगा घाल ग गौळणी

पिंगा घाल ग गौळणी, आले शारंगपाणी

आकाशीच्या चांदासाठी
फिरती चांदण्या अनंतकोटी
चमकत त्यांच्यावाणी,
पिंगा घाल ग गौळणी, आले शारंगपाणी

गुणगुण गाणे गातो भुंगा
कळ्या उधळती सुगंधरंगा
डोलत त्यांच्यावाणी,
पिंगा घाल ग गौळणी, आले शारंगपाणी

नभीं विजेच्या उठती रेखा
मोर नाचतो उभवून पंखा
नाचत त्यांच्यावाणी,
पिंगा घाल ग गौळणी, आले शारंगपाणी

तक्कई तक्कई माझा पिंगा
येई तकतकी गोर्‍या रंगा
केतकीपानावाणी,
पिंगा घाल ग गौळणी, आले शारंगपाणी

पिंगा गोर्‍या रंगाचा ग
चपळ गोजिर्‍या अंगाचा ग
तहान दिसते नयनीं
पिंगा घाल ग गौळणी, आले शारंगपाणी
गीत- ग. दि. माडगूळकर
संगीत - सुधीर फडके
स्वर - स्वर कोणाचा(चे) माहित असल्यास संपर्क करा.
चित्रपट- संत गोरा कुंभार
गीत प्रकार - चित्रगीत

 

Random song suggestion
This 👇 player works on all android and iOS devices also
  स्वर कोणाचा(चे) माहित असल्यास संपर्क करा.