A Non-Profit Non-Commercial Public Service Initiative by Alka Vibhas   
राधा ही बावरी हरीची

रंगात रंग तो श्यामरंग पाहण्या नजर भिरभिरते
ऐकून तान विसरून भान ही वाट कुणाची बघते
त्या सप्तसुरांच्या लाटेवरुनि साद ऐकुनी होई -
राधा ही बावरी हरीची, राधा ही बावरी !

हिरव्या हिरव्या झाडांची पिवळी पाने झुलताना
चिंबचिंब देहावरुनी श्रावणधारा झरताना
हा दरवळणारा गंध मातीचा मनास बिलगून जाई
हा उनाड वारा गुज प्रीतिचे कानी सांगून जाई
त्या सप्तसुरांच्या लाटेवरुनि साद ऐकुनी होई -
राधा ही बावरी हरीची, राधा ही बावरी !

आज इथे या तरूतळी सूर वेणुचे खुणावती
तुज सामोरी जाताना उगा पाऊले घुटमळती
हे स्वप्‍न असे की सत्य म्हणावे राधा हरखून जाई
हा चंद्र चांदणे ढगा आडुनी प्रेम तयांचे पाही
त्या सप्तसुरांच्या लाटेवरुनि साद ऐकुनी होई -
राधा ही बावरी हरीची, राधा ही बावरी !
गीत- अशोक पत्की
संगीत - अशोक पत्की
स्वर - स्वप्‍नील बांदोडकर
अल्बम- तू माझा किनारा
गीत प्रकार - हे श्यामसुंदर भावगीत नयनांच्या कोंदणी
गुज - गुप्‍त गोष्ट, कानगोष्ट.
वेणु - बासरी.