रडू नको रे चिमण्या बाळा
रडू नको रे चिमण्या बाळा
हसण्यासाठी जन्म आपुला
फुले गोजिरी कधी न रडती
नभी पाखरे हासत उडती
पहा विचारुन आभाळाला
निळ्या अंगणी हसती तारे
हासत रिंगण धरिती वारे
सदैव हसतो चंद्र चिमुकला
सौख्यासाठी जग तळमळते
दु:ख कुणाला कधी न टळते
जो हसला तो अमृत प्याला
हसण्यासाठी जन्म आपुला
फुले गोजिरी कधी न रडती
नभी पाखरे हासत उडती
पहा विचारुन आभाळाला
निळ्या अंगणी हसती तारे
हासत रिंगण धरिती वारे
सदैव हसतो चंद्र चिमुकला
सौख्यासाठी जग तळमळते
दु:ख कुणाला कधी न टळते
जो हसला तो अमृत प्याला
| गीत | - | शांताराम आठवले |
| संगीत | - | सुधीर फडके |
| स्वर | - | मोहनतारा अजिंक्य |
| चित्रपट | - | वहिनींच्या बांगड्या |
| गीत प्रकार | - | चित्रगीत |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !