राजाच्या रंगम्हाली सोन्याचा बाई पलंग
रूप्याचं खांब त्येला मोत्याची झालर
राजाच्या रंगम्हाली पराची मऊ गादी
जरीचा चांदवा रेशमी शिणगार
गडनी, सजनी, गडनी सजनी ग

राजाच्या रंगम्हाली रानी ती रुसली
बोलं ना, हसं ना, उदास नजर
राजाच्या रंगम्हाली राजानं पुशिलं
डोळ्यांची कमळं उघडा व्हटांची डाळिंबं
गडनी, सजनी, गडनी सजनी ग

राजाच्या रंगम्हाली रानी वो सांगिते
सुना सोन्याईन म्हाल कशाला बडिवार
मायेच्या पूतापायी रानी ग रडीते
आसवांची गंगा व्हाते भिजीला पदोर
गडनी, सजनी, गडनी सजनी ग