A Non-Profit Non-Commercial Public Service Initiative by Alka Vibhas   
रंग तुझा सावळा दे मला

रंग तुझा सावळा
दे मला, गोविंदा घननिळा

तुझ्या रूपाचे नयनी काजळ
सूर मुरलीचे कानी कुंडल
मुग्ध मनाची करुनी ओंजळ करिते अर्पण तुला

तरूतळी या कुंजवनातुन
तू गोरा मी काळी हो‌उन
गोपि-कृष्ण हा गोफ गुंफुन करु दे नर्तन मला

तुझिया चरणी क्षणि एकान्‍ती
धुंद जळी या यमुनाकाठी
माझी भक्ती हो‌उन मुक्ती करु दे मधुकर ताला
कुंडल - कानात घालायचे आभूषण.

 

Print option will come back soon