A Non-Profit Non-Commercial Public Service Initiative by Alka Vibhas   
रुणझुण वाजंत्री वाजती

रुणझुण वाजंत्री वाजती
म्होरं कलावंती नाचती

नवरा आला वेशीपाशी
नवर्‍या नवरी कशी नेशी

देईन येसकर्‍याचा मान
नवरी जिंकून नेईन

नवरा आला देवळापाशी
नवर्‍या नवरी कशी नेशी

विडा देवाजी देईन
नवरी जिंकून नेईन

नवरा आला मांडवापाशी
नवर्‍या नवरी कशी नेशी

मांडव खंडणी देईन
नवरी जिंकून नेईन

नवरा आला भोवल्यापाशी
नवर्‍या नवरी कशी नेशी

खण करवलीला देईन
नवरी जिंकून नेईन

तिळातांदळा भरली मोट
ज्याची होती त्याने नेली
वेडी माया वाया गेली

रुणझुण वाजंत्री वाजती
म्होरं कलावंती नाचती
गीत - पारंपारिक
संगीत - शाहीर साबळे
स्वर- स्वर कोणाचा(चे) माहित असल्यास संपर्क करा.
गीत प्रकार - लोकगीत

 

Print option will come back soon
  स्वर कोणाचा(चे) माहित असल्यास संपर्क करा.