A Non-Profit Non-Commercial Public Service Initiative by Alka Vibhas   
सजल नयन नित धार

सजल नयन नित धार बरसती
भावगंध त्या जळीं मिसळती

वीणेचे स्वर अबोल झाले
गीतामधले काव्यहि सरले
मुक्या मनाचे मुकेच आठव
मूक दीपज्योतीसम जळती

चंद्र-चांदणे सरले आता
निरस जाहली जीवनगाथा
त्या भेटीतिल अमृतधारा
तुझ्याविना विषधारा होती

थकले पैंजण चरणहि थकले
वृंदावनिंचे मोहन सरले
तुझ्या स्मृतींची फुले प्रेमले
अजून उखाणे मला घालिती

 

  अजितकुमार कडकडे