A Non-Profit Non-Commercial Public Service Initiative by Alka Vibhas   
सखि शेजारिणि तू हसत रहा

सखि शेजारिणि, तू हसत रहा
हास्यात पळे गुंफीत रहा

दीर्घ बदामी श्यामल डोळे
एक सांद्रघनस्वप्‍न पसरले
'धूपछांव' मधि यौवन खेळे
तू जीवनस्वप्‍ने रचित रहा

सहज मधुर तू हसता वळुनी
स्मित-किरणी धरि क्षितिज तोलुनी
विषाद मनिचा जाय उजळुनी
तू वीज खिन्‍न घनि लवत रहा

मूक जिथे स्वरगीत होतसे
हास्य मधुर तव तिथे स्फुरतसे
जीवन नाचत गात येतसे
स्मित-चाळ त्यास बांधून पहा
गीत - वा. रा. कांत
संगीत - वसंत प्रभु
स्वर- अरुण दाते
राग - पहाडी
गीत प्रकार - भावगीत
सांद्र - निबिड, दाट.