शब्द शब्द जुळवुनी वाचिते
शब्द शब्द जुळवुनी वाचिते तुझ्या मना
आवरू किती गडे, धीर नाही लोचना
अजाणतेपणी कुणी मला कुणास वाहिले
असेल देव तो तरी मी न त्यास पाहिले
आंधळी कळी खुळी मजसी काय कल्पना
उघडताच पाकळी लाभली तुझी दिठी
तुजसी देव मानुनी घातली गडे मिठी
नीतिपाठ ओरडे, हीच पापवासना
आवरू किती गडे, धीर नाही लोचना
अजाणतेपणी कुणी मला कुणास वाहिले
असेल देव तो तरी मी न त्यास पाहिले
आंधळी कळी खुळी मजसी काय कल्पना
उघडताच पाकळी लाभली तुझी दिठी
तुजसी देव मानुनी घातली गडे मिठी
नीतिपाठ ओरडे, हीच पापवासना
| गीत | - | ग. दि. माडगूळकर |
| संगीत | - | दत्ता डावजेकर |
| स्वर | - | सुमन कल्याणपूर |
| चित्रपट | - | सुखाची सावली |
| गीत प्रकार | - | चित्रगीत |
| दिठी | - | दृष्टी. |
भाषाप्रभू ग. दि. माडगूळकरांचे चपखल शब्द व त्यातील नाजुक भाव तितक्याच अलगदपणे पकडणारे दत्ता डावजेकरांचे संगीत यांचा सुरेख मिलाफ झाल्याने हे गीत जिवंत होऊन रसिकांच्या ओठांवर खेळू लागते व मनात कायमचा वास करून बसते.
प्रेमाचा अत्युच्च क्षण उपभोगताना 'नीतिपाठ ओरडे हीच पापवासना' या ओळीमधील इशारा नायिकेला कळणे शक्य आहे का?
कवीने जसे शब्द नाजुकपणे जुळवले आहेत तद्वतच संगीतकार डावजेकर यांनी देखील तालाचे भान विसरून केवळ स्वरांनीच 'शब्द शब्द जुळवुनि' मधील भाव उत्कटपणे व यथार्थपणे व्यक्त केले आहेत.
(संपादित)
सौजन्य- श्री भारत बुक डेपो, मुंबई.
* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.
इतर संदर्भ लेखPlease consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !