A Non-Profit Non-Commercial Public Service Initiative by Alka Vibhas   
शशिकुलभूषण सदया

"शशिकुलभूषण सदया । मत्प्राणेश्वर विजया ।
विनवी ही तव जाया । मान्य कराया ॥

अर्पियली ही काया । तव चरणीं पतिराया ।
ठाउक असुनी हें सखया । त्यजली कां माया ॥

मज दुर्योधनाहातीं । द्याया निश्चय करिती ।
बंधू ते नायकिती । बघतां अंत किती ॥

समयीं नाहीं आलां । देइन मी प्राणाला ।
धाडियलीसे मला । खूण तुम्हांला ॥"

"रिपु नेतां भार्येसी । सुचली यात्रा कैसी ।
याहुनि हो‍उनि संन्यासी । न्या मज सेवेसी ।"
गीत - अण्णासाहेब किर्लोस्कर
संगीत - अण्णासाहेब किर्लोस्कर
स्वर-
नाटक - सौभद्र
गीत प्रकार - नाट्यसंगीत
  
टीप -
• या गीताचे मूळ ध्वनीमूद्रण आमच्याकडे नाही. आपल्याकडे असल्यास, कृपया aathavanitli.gani@gmail.com या इ-पत्त्यावर पाठवा. ते रसिकांना ऐकण्यासाठी इथे उपलब्ध करून दिले जाईल.
जाया - पत्‍नी.
भार्या - पत्‍नी.
रिपु - शत्रु.

Please consider the environment before printing.
कागद वाचवा.
कृपया पर्यावरणाचा विचार करा.