A Non-Profit Non-Commercial Public Service Initiative by Alka Vibhas   
श्रमिक हो घ्या इथे

मानवतेचे मंदिर माझे, आत लाविल्या ज्ञानज्योती
श्रमिक हो घ्या इथे विश्रांती !

बंधुत्वाची येथ सावली, अनाथ अमुचे मायमाउली
कधी दिसे का ईश राउळी? देव ते अंतरात नांदती !

आम्ही लाडके विठुरायाचे, लेणे जरीही दारिद्र्याचे
अभंग ओठी मानवतेचे, मृदुंगी वेदनेस विस्मृती !

दार घराचे सदैव उघडे, भागवताची ध्वजा फडफडे
भावभक्तीचे आम्हां साकडे, पथिक हे परंपरा सांगती !
गीत - रवींद्र भट
संगीत - सुधीर फडके
स्वर- सुधीर फडके
चित्रपट - ते माझे घर
गीत प्रकार - चित्रगीत
राऊळ - देऊळ.
लेणे - वस्‍त्र / अलंकार / भिंतीवरील अथवा दगडावरील कोरीव काम.
साकडे - संकट / कोडे.

 

Print option will come back soon