A Non-Profit Non-Commercial Public Service Initiative by Alka Vibhas   
श्रीरामाचे चरण धरावे

श्रीरामाचे चरण धरावे
दर्शनमात्रे पावन व्हावे

सती अहिल्या दगडामाजी
शापित होऊन युगयुग मोजी
परि प्रभुच्या पदस्पर्शाने पाषाणासही जीवन द्यावे

उष्टी बोरे अर्पुन प्रभुला
शबरीने जणू ठाव पाहिला
स्वीकारुन ती रघुरायाने देवपणाचे बीरुद ल्यावे

वनवासातच जीवन सरले
रामायणही तिथेच घडले
अयोध्येस प्रभु परतुनि येता प्रेमाश्रूंनी नगर भिजावे
अहल्या - ब्रह्मदेवाची मानसकन्या. गौतम ऋषींची पत्‍नी. त्यांच्या शापाने ती शिळा झाली होती. रामाने सीताविवाहाला जाताना हिचा उद्धार केला.
बीरुद - मानचिन्ह / कीर्ती, नावलौकिक / बाणा, ब्रीद.
शबरी - एक भिल्लीण. श्रीरामांची एकनिष्ठ भक्तीण.

Please consider the environment before printing.
कागद वाचवा.
कृपया पर्यावरणाचा विचार करा.