A Non-Profit Non-Commercial Public Service Initiative by Alka Vibhas   
सुखाचे चांदणे

मोरपंखी चाहुलींचे
सोबतीने चालणे
अंतरावर पसरलेले टिपूरसे..
सुखाचे चांदणे !

कोण या वेड्या मनाला
आस लावी भाबडी
कोण आहे ज्यामुळे
हे उंबर्‍याला लांघणे
ही नवी सुरुवात आहे
की नवे आभास हे
दूरवरची ती निळाई मागते..
सुखाचे चांदणे !

भोवतीचे सूर हळवे
ऐकताना वाटते
गायले मी अंतरीच्या
वेदनांचे हुंदके
हरवलेली स्वप्‍नं होती
थबकलेली पाऊले
पण तुझ्या भेटी आता गवसले..
सुखाचे चांदणे !
गीत - श्रीपाद अरुण जोशी
संगीत - निलेश मोहरीर
स्वर- विद्या करलगीकर
गीत प्रकार - मालिका गीत
  
टीप -
• मालिका- आई कुठे काय करते !, वाहिनी- स्टार प्रवाह.

Please consider the environment before printing.
कागद वाचवा.
कृपया पर्यावरणाचा विचार करा.