A Non-Profit Non-Commercial Public Service Initiative by Alka Vibhas   
स्वप्‍न माझ्या जीविताचे

स्वप्‍न माझ्या जीविताचे तुजसवे साकारले

साजणा रे नेत्र आता लागले पैलतिरी
एक आशा ही परंतु जागते माझ्या ऊरी

पौर्णिमेचा चांद करू दे चांदण्याची वृष्टी रे
रोमरोमी गोड काटा मंद वारा फुलवू दे

बिलगुनी मी तुज बसावे मान वक्षी टेकुनी
अन्‌ मिटावे मी सुखाने नेत्र माझे त्या क्षणी
गीत - मा. ग. पातकर
संगीत - गजानन वाटवे
स्वर-
गीत प्रकार - भावगीत, कल्‍पनेचा कुंचला
  
टीप -
• या गीताचे मूळ ध्वनीमूद्रण आमच्याकडे नाही. आपल्याकडे असल्यास, कृपया aathavanitli.gani@gmail.com या इ-पत्त्यावर पाठवा. ते रसिकांना ऐकण्यासाठी इथे उपलब्ध करून दिले जाईल.

Please consider the environment before printing.
कागद वाचवा.
कृपया पर्यावरणाचा विचार करा.