A Non-Profit Non-Commercial Public Service Initiative by Alka Vibhas   
तुझी रे उलटी सारी

तुझी रे उलटी सारी तर्‍हा
सौंदर्याची दौलत टाकुन जासी भलत्या घरा

राजमंदिरी असंख्य नारी
रूपवती त्या अतुल सुंदरी
तुडवुन त्यांची नाजुक सुमने जासी परदारा

शोभे का हे तुला माधवा
गालबोट हे तुझिया नांवा
सोडुन दे ती कुब्जा काळी सोडुन दे श्रीधरा

हात जोडिते पदर पसरिते
तुजविण जीवन उदास गमते
तुझ्या पदाविण दिसे भुकेला सोन्याचा उंबरा