A Non-Profit Non-Commercial Public Service Initiative by Alka Vibhas   
उगवली शुक्राची चांदणी

अडवू नका मज सोडा आता, पुरं झालं ना धनी
उगवली शुक्राची चांदणी !

(हिचं ऐका पाव्हणं, काय हे वागणं शोभतंय्‌ व्हय्‌ तुम्हाला?
हिचा हात धरून, गालामध्ये हसणं शोभतंय्‌ का तुम्हाला?
जरा लाज धरा हो येता-जाता पाहिल्‌ ना हो कुणी !)

उगवली शुक्राची चांदणी !

निरव शांतता अवतीभवती, रातकिडं हे किरकिर करती
भिरभिर उडती वर पाकोळ्या धडधड होते मनी
उगवली शुक्राची चांदणी !

लवलव करिती हिरवी पाती, चमचमणार्‍या चांदणराती
वार्‍यावरती गंध दरवळे केतकीच्या या बनी
उगवली शुक्राची चांदणी !

 

Print option will come back soon