A Non-Profit Non-Commercial Public Service Initiative by Alka Vibhas   
उघडी द्वार पूर्वदिशा

उघडी द्वार पूर्वदिशा नारायण आले,
उजाडले !

भूमीपाल चालला धरतीच्या पूजना
शिंपडी सडा सजवी सुवासिनी अंगणा
वसुंधरेचे हास्य झळकले
उजाडले !

गंगेवर तेजाचा पाऊस झिमझिमता
पर्णावर मोत्यांचे दंवबिंदु लखलखता
गंधवतीने रंग उधळिले
उजाडले !

पूजीत कुलदेव महेशा
येई फुलवीत मनीची आशा
सुखवी घरदार घेउनी त्या
जीव जिवाचा जगवीता

 

  आशा भोसले, पं. हृदयनाथ मंगेशकर