A Non-Profit Non-Commercial Public Service Initiative by Alka Vibhas   
उई साजण आला

उई साजण आला
असा दूर का? जवळ ये जरा
भरे धुंद प्याला - उई साजण आला

उभी रूपराणी गुलाबी गुलाबी
नजर लाडकी ही शराबी शराबी
बेभान मी बेभान तू
अशी रात ही अशी साथ ही
असा कैफ आला - उई साजण आला

गालांत लाली डोळे नशीले
ओठांत माझ्या गाणे रसीले
मस्तीभरी जादूभरी
अशी रात ही अशी साथ ही
असा कैफ आला - उई साजण आला

साधून घे ही संधी सुखाची
पर्वा कशाला वेड्या जगाची
अरे बुलबुला प्रीतिफुला
अशी रात ही अशी साथ ही
असा कैफ आला - उई साजण आला
गीत- जगदीश खेबूडकर
संगीत - सुधीर फडके
स्वर - आशा भोसले
चित्रपट- धाकटी बहीण
गीत प्रकार - चित्रगीत