A Non-Profit Non-Commercial Public Service Initiative by Alka Vibhas   
ऊठ पांडुरंगा आता

विश्व माणसांनी भरले, तुला नाही जागा
ऊठ पांडुरंगा आता, ऊठ पांडुरंगा

रामकृष्ण दैवत होते इथे पुण्यवान
पंचकन्यकांनी दिधले सतीचेच वाण
त्याच दिव्य संस्काराचा तुटे आज धागा

पुरुष होय बाईलवेडा, राज्य बायकांचे
पुत्र आणि कन्या यांना बंध ना कुणाचे
घरोघरी संसाराचा दिसे नाच नंगा

ऋषीमुनी झाले येथे, साधुसंत झाले
देवधर्म नीती गेली कलियुग आले
कुणीतरी माणुसकीचा मंत्र एक सांगा