A Non-Profit Non-Commercial Public Service Initiative by Alka Vibhas   
वाट पाहुनी जीव शिनला

वाट पाहुनी जीव शिनला
दिसामागुनी दिस टळला
सुर्व्या आला, तळपून गेला
मावळतीच्या खळी गालाला
गडनी, सखे गडनी

कुटं गुंतला, सब्द इसरला
देऊन आपुल्या सजनीला
डोंगर वलंडून चांद चालला
चांदनं चारून धरतीला
गडनी, सखे गडनी

मासं जोडीजोडीनं पवती
पाखरं संगतीसंगतीनं फिरती
एक डहाळीवर बिलगून फुलती
फुलं-कळ्या त्या येलाला
गडनी, सखे गडनी
गीत - योगेश
संगीत - आनंदघन
स्वर- लता मंगेशकर
चित्रपट - साधी माणसं
गीत प्रकार - चित्रगीत